Policia e Tiranës ka shpallur në kërkim të riun i cili plagosi me armë zjarri mbrëmjen e djeshme një 29-vjeçar në rrugën e Dibrës në kryeqytet.
Burime bëjnë me dije se Franci Canaj qëlloi taksistin Gerald Hoxha pas sherrit se i kishte zënë parkimin.
Franci Canaj në 2016 ka qenë i arrestuar në Itali për drogë dhe prostitucion. Ndërkohë i plagosuri Gerald Hoxha mori ndihmë mjekësore dhe ndodhet jashtë rrezikut për jetën, ndërsa policia po punon për kapjen e autorit të dyshuar.
“Specialistët e Sektorit për Krimet e Rënda, në bashkëpunim me shërbimet e Komisariatit të Policisë Nr. 4, pas marrjes së njoftimit, mbrëmjen e djeshme, se në Rrugën e Dibrës ishte plagosur me armë zjarri një shtetas, kanë shkuar menjëherë në vendin e ngjarjes. Si rezultat i veprimeve të shpejta hetimore, u identifikua dhe u shpall në kërkim shtetasi F. C., 32 vjeç, i cili dyshohet se, gjatë një konflikti për motive të dobëta me shtetasin G. H., 29 vjeç, e ka qëlluar këtë të fundit në këmbë, me armë zjarri. Shtetasi G. H. mori ndihmë mjekësore dhe ndodhet jashtë rrezikut për jetën”, njofton policia.
Vijojnë veprimet intensive për lokalizimin dhe kapjen e autorit, si dhe për dokumentimin e plotë ligjor të kësaj ngjarjeje.
Lexo këtu:
Të shtëna me armë në Tiranë, një i plagosur, në kërkim autori/ EMRAT
