Policia e Tiranës ka arrestuar një 24-vjeçar që trafikonte nga SHBA në Shqipëri lëndë narkotike kanabis.
Uniformat blu bëjnë me dije se është sekuestruar një sasi rreth 3.6 lëndë e dyshuar narkotike kanabis me përqindje të lartë THC, me vlerë 50 mijë euro.
“Vihet në pranga një 24-vjeçar që trafikonte nga SHBA në Shqipëri, lëndë narkotike kanabis me përqindje të lartë THC. Sekuestrohen rreth 3.6 kg lëndë e dyshuar narkotike kanabis me përqindje të lartë THC, me vlerë 50 000 euro.
Si rezultat i operacionit policor të koduar “Destinacioni 5”, u arrestua shtetasi F. V., 24 vjeç, banues në Tiranë. Ky shtetas u kap në flagrancë nga shërbimet e Policisë, në një degë postare, duke marrë një pako me rreth 3.6 kg lëndë të dyshuar narkotike kanabis me përqindje të lartë THC, që dyshohet se është trafikuar nga SHBA.
Vijojnë hetimet për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë të dyshuar të përfshirë”, njofton policia.
Materialet procedurale i kaluan Prokurorisë, për veprime të mëtejshme.
