Tarifat e vendosura nga Donald Trump për importet, kanë hyrë në fuqi ditën e sotme, duke përfshirë 104% për Kinën, eksportuesja më e madhe në botë.
Gjithashtu në listë janë dhe 60 vende të tjera, të cilat do të përballen me tarifa që variojnë nga 11% deri në 50%.
Tarifat shtesë ndaj Kinës filluan pasi Pekini refuzoi të përmbushë afatin e Trump për të tërhequr taksat e veta hakmarrëse ndaj SHBA-së.
Në të njëjtën kohë, qeveria amerikane thotë se është e gatshme të fillojë bisedimet me partnerët e tjerë tregtarë që janë vënë në shënjestër të tarifave gjithëpërfshirëse.
Trump ka thënë se tarifat janë jetike për vizionin e tij ekonomik, por ekspertët paralajmërojnë për nisjen e një lufte tregtare.
Disa marka globale me bazë në SHBA, si Nike dhe Apple, të cilat prodhojnë mallrat e tyre jashtë SHBA-së, kanë pësuar rënie të mprehtë të çmimeve të aksioneve të tyre gjatë ditëve të fundit.
