Ashtu siç e raçprtuam dhe një ditë më parë, edhe pse fushtata elektorale për zgjedhjet parlamentare të 11 Majit nis zyrtarisht më 11 Prill, Partia Socialiste mitingun hapës ka zgjedhur ta mbajë një ditë më pas më 12 Prill.
Sot ka ardhur një reagim edhe nga vetë Edi Rama, ku duket se edhe pse në fletën e votimit ka numrin 5, është fiksuar pas numrit 12, ku më datë 12 Prill, në orën 12:00 në sheshin “Skënderbej”, ku do të mbledhë militantët nga të 12 Qarqet e Shqipërisë.
Ndërkohë, Rama vazhdon t’i qëndrojë futjes në Bashkimin Europian, si kartë kryesore elektorale për këtë fushatë, edhe pse është më shumë një mashtrim se sa një premtim serioz, pasi është një gjë që nuk varet vetëm nga Qeveria shqiptare, por nga vendet e BE-së.
“12 prill nga 12 qarqe rreth 12 yjeve të Europës në 12.00, familja jonë e madhe politike, mblidhet në Sheshin Skënderbej për takimin festiv Shqipëria 2030 në BE.” – shkruan Rama në postimin e tij.
Ndërkohë, kujtojmë se demokratët do të mblidhen në sheshin “Nënë Tereza” të premten e 11 Prillit në orën 19:00, për të mbajtur mitingun e nisjes zyrtarisht të fushatës.
Të gjithë forcat politike kanë mbi një muaj që kanë nisur takimet elektorale dhe prezantimin e skuadrës së tyre të kandidatëve për deputetë.
