Politologu Ilir Kalemaj ka qenë i ftuar në MCN, ku ka komentuar aktualitetin politik.
Ai tha se kemi indicie për luftëra të brendshme brenda PS-së. Sipas Kalemajt luftërat brenda llojit në partinë e pushtetit, janë mbarsur aq shumë, saqë po ndihen tanimë edhe në struktura.
“Ka indicie që është më tepër një luftë e brendshme. Vet Nesti Angoni, të gjitha hipotezat të çojnë që është dikush i brendshëm, për arsye se disponon dokumentacion, që s’mund të vinte kurrsesi nga opozita, por nga brenda qeverisë. Ka një luftë brenda llojit që përdor median, kanale të tjera informative, edhe SPAK-un, për të goditur kundërshtarin. Tensionet e brendshme siç ishte rasti i z.Ahmetaj, s’ka ardhur një moment të plasim dhe aromën të ndiejmë në publik. Luftërat brenda llojit në PS janë mbarsur kaq shumë, saqë po ndihet në struktura, saqë Rama çoi disa mesazhe zanore, ku u thotë në mënyrë taksative që mos shkoni të bëni fushatë në zonat e njëri-tjetrin” – tha Ilir Kalemaj.
Në lidhje me PD-në, Kalemaj tha se krahasuar me 3-4 muaj më parë është në situatë më të mirë, por ngre pyetjen a mjafton për të bërë rotacionin në zgjedhje.
“PD, krahasuar me 3-4 muaj më parë, situata është krejt më mirë. Kemi një mobilizim të strukturës, në drejtim të shpalosjes së programit. Pashë direktivën e fundit të Berishës, që të përqendrohemi te programi, dhe jo te akuzat për kundërshtarin. Të gjitha këto janë shumë herë më mirë se vetveten, por a mjaftojnë për të bërë rotacionin? Një nga problemet është fragmentarizimi i spektrit opozitar” – deklaroi politologu.
