Federata Italiane e Kompanive të Tekstilit, Modës dhe Aksesorëve ka paralajmëruar pasoja të rënda në markat luksoze dhe eksportet pasi Presidenti i SHBA Donald Trump njoftoi tarifa globale.
“Tani për tani midis kostove në rritje, problemeve gjeopolitike dhe madje edhe luftërave, këto tarifa nuk na ndihmojnë, kështu që ne kemi frikë për kompanitë tona. Kemi frikë se do të ketë një rënie sepse atëherë do të varet nga pala tjetër nëse amerikanët janë të gatshëm të paguajnë më shumë”.
Kryeministrja e Italisë Meloni ka anuluar të gjitha angazhimet e saj për t’u fokusuar në veprimet që duhen ndërmarrë në përgjigje të tarifave të SHBA-së, thuhet në një deklaratë të qeverisë.
Banorët e Romës shprehin gjithashtu shqetësimin për luftën tregtare të shkaktuar.
Mendoj se është një veprim kundërproduktiv sepse do të vërë në vështirësi shumë kompani dhe vetë konsumatorët, të cilët do të blejnë produkte me çmime kaq të larta. Dhe në fund askush nuk do të fitojë dhe të gjithë do të vuajnë. Jam i shqetësuar”.
Edhe në Greqi pasojat do të jenë të mëdha për shumë kompani. Një kooperativë e vogël prej 1200 blegtorësh që prodhojnë djathë pritet të haset më vështirëi ekonomike.
Christos Apostolopoulos, kreu i shoqatës greke të industrive të qumështit, tha se djathi Feta ishte përjashtuar nga tarifat në të kaluarën, por mund të mos shpëtojë këtë herë.
“Tarifat sigurisht i shtojnë një kosto produktit dhe se cila pjesë e kësaj do t’i shkojë konsumatorit përfundimtar, ku do të bjerë topi, mbetet për t’u parë. Kam frikë se këtë herë djathi tradicional feta nuk do të gjejë rrugëdalje nga këto tarifa”.
Në vitin 2019, Greqia arriti të përjashtonte djathin e deles nga tarifat amerikane të vendosura ndaj mallrave evropiane.
Greqia prodhon djathin tradicional Feta për më shumë se 6 mijë vjet. Në një vit prodhohen rreth 140 mijë ton me vlerë 800 milionë Euro.
Rreth 8% e prodhimit eksportehet në Shtetet e Bashkuara. Tani këta prodhues parashikojnë përgjysmimin e eksporteve për shkak të tarifave amerikane.
