Biznesmeni shqiptaro-belg Elman Abule, i cili ndodhet nën masën e sigurisë “Arrest në shtëpi” për dosjen e Erion Veliajt, është paraqitur pasditen e kësaj të enjte në Gjykatën e Posaçme.
Burime për mediat bëjnë me dije se ai ka bërë kërkesë në Gjykatë për të ndryshuar vendqëndrimin, ku siç duket do të ndërrojë banesën e banimit.
Në lidhje me dosjen e Erion Veliajt, Abule është i dyshuar për kryerjen e veprës penale të “Pastrimi i produkteve të veprës penale ose veprimtarisë kriminale”, kryer në bashkëpunim. Ai u arrestua fillimisht më 10 Shkurt nga SPAK, por Gjykata e Posaçme e Apelit ia zbuti masën e sigurisë në “Arrest shtëpie”.
Elman Abule ka dëshmuar disa herë në SPAK si person nën hetim për çështjen në fjalë, teksa po ashtu ka dëshmuar edhe bashkëshorten e tij Marisa Nito.
Çifti Elman Abule dhe Marisa Nito konsiderohen miq të afërm të familjes Veliaj, ku miqësia e tyre duket se është ndërthurur edhe përmes disa transaksione të dyshimta financiare, që çifti Abule ka bërë në adresë të llogarive bankare të Ajola Xoxës.
Elman Abule ka dhe një hetim nga Prokuroria e Tiranës, ku akuzohet se ka ngritur një skemë të pastrimit të parave, ku është pjesë bashkëshortja e tij bashkë me Kristian Boçin dhe Vladimir Avramin. Prokuroria u bllokoi rreth 50 milion euro pasuri që ishte investuar kryesisht në ndërtim, pasi paratë kishin origjinë të dyshimtë. Por sekuestro u hoq disa ditë më vonë kur prokurorja e Apelit, Arta Marku u riktheu pronat të akuzuarve.
