Lulzim Basha vijon replikat me Edi Ramën përmes video-ve në prag të zgjedhjeve, teksa një përgjigje e pati për kryeministrit, edhe për deklaratat e këtij të fundit nga mitingu i Athinës.
Teksa Rama tha se bufi i kënetës dhe Luli nuk e donin reformën në drejtësi, Basha thotë se e di i madh e i vogël se kush e donte reformën në drejtësi dhe se këtë tregoi edhe amnistia për të korruptuarit.
Po ashtu, Basha vazhdon dhe me ngacmimet e përhershme për Ramën se “ku i ka shokët” dhe “7×7=313”, por ndryshe nga herët e tjera, këtë herë ish-kryedemokrati e paralajmëron kryeministrin që të ketë kujdes nga shoqet, pasi sipas tij, kanë filluar t’ia bëjnë hallvën.
“O Rame, e paske hap prap thesin në Athinë Rame. E di i madh dhe i vogël Rame kush e donte reformën në drejtësi dhe kush jo. Edhe kush i liroi të korruptuarit me amnisti, e ka marrë vesh e gjithë bota. E mër Ram, e nise në vitin 2013 projektin Shqipëria 313. Kush t’i futi në listë ty më Ram të korruptuarit, trafikantët, kriminelët, përdhunuesit? Unë t’i futa, apo i fute vet. Lei përrallat Rame se si ha më njeri. Po kallxo, ku të mbetën shokët Rame dhe kujdes shoqet se kanë fillu me t’bo hallvën. 7×7=313, Rame” – thotë Basha.
