Trupi i 24-vjeçares palestineze, Rayyan Alwan, e cila u gjet e vrarë në muajin shkurt në një apartament me qira ditore në Tiranë, vijon të jetë ende në Shqipëri.
Si autori i krimi është shpallur në kërkim babai i saj, 49-vjeçari Fadi Alwan, me të cilin ajo kishte ardhur në Tiranë, dhe u largua sërish nga aeroporti i Rinasit më 22 Shkurt, pas vrasjes së të bijës.
Miqtë e palestinezes, në një rrëfim për News24, akuzuan prindërit e të resë se thurën planin për vrasjen e të bijës, Sipas tyre, ka qenë e ema, ajo e cila e ka bindur Rayyan Alwan që të kalonte nga Shqipëri si trannzit për në Liban, me pretendimin se babai do e çonte në Liban për të takuar fëmijët.
Por, ndërkohë që familjarët e kanë braktisur trupin e 24-vjeçares, miqtë e saj kërkojnë ndihmë që ta tërheqin në Berlin dhe ta varrosin.
“Ne duam ta varrosim këtu në Berlin, por nuk dimë si të procedojmë. Nëna e saj është zhdukur dhe babai i saj ka ikur në Liban”, shprehen ata.
Viktima vijon të mbahet në morgun e Tiranës dhe nëse brenda afateve ligjore, nuk do të tërhiqet nga familjarë apo të afërm, ajo do të varroset në Tiranë.
Vrasja e palestinezes, miqtë: E ëma e bindi që të shkonte me të atin në Tiranë, do takonte fëmijët
