Një ditë më parë, Edi Rama u tha shqiptarëve se nuk ka program sepse ai i fiton zgjedhjet.
Para disa ditësh u tha se nuk ka nevojë për program sepse programi i tij është integrimi në BE.
Kurse sot Rama u shfaq para shqiptarëve, duke vazhduar të kopjojë programin e opozitës. Pas premtimit për pagën mesatare 500 euro, tani ishte premtimi për pensionet dhe pagën mesatare.
Si mos mjaftonin 12 vite qeverisje, Rama kujtohet para zgjedhjeve për të moshuarit duke premtuar se gjatë mandatit të katërt do ta çojë pensionin minimal në 200 euro.
“Në janar 2026, paga minimale do të jetë 500 euro. Pensioni mesatar 400 euro për të gjithë ata që kanë paguar sigurime të plota, ndërkohë pensioni minimal për të gjithë të tjerët 200 euro”, tha Rama.
Kujtojmë se opozita ka premtuar vendosjen e minimumit jetik prej 200 euro sapo të vijë në pushtet. Kjo do të thotë se cdo pension do jetë së paku 200 euro. Ndërkohë paga minimale do jetë 500 euro dhe ajo mesatare 1200 euro.
