Një 36-vjeçar shqiptar ka rënë në prangat e policisë italiane, pasi ishte shpallur në kërkim për një vrasjen e një rumuni, e cila ndodhi pas një rivaliteti të lidhur me trafikun e drogës.
Ngjarja e rëndë ka ndodhur në muajin shkurt të vitit 2020.
Shqiptari kishte qenë më parë i dënuar me 2 vite burgim për trafik droge. Ndërsa tani do i duhet të vuajë edhe 22 vite izolim për vrasjen e kryer.
Dyshohet se krimi ka ndodhur për prishjen e pazareve të drogës dhe kontrollin e biznesit ilegal mes Fermos dhe Porto Sant’Elpidio. Më 17 shkurt 2020, zbulimi i trupit të pajetë të një 36-vjeçari rumun, i vrarë me thikë, ka alarmuar menjëherë policinë. Viktima, gjithashtu një person me precedentë penalë, kishte plagë të shumta me thikë në shpinë.
Hetimet, të cilat filluan menjëherë pas vrasjes, ishin veçanërisht komplekse dhe përfshinin përdorimin e teknikave të avancuara të hetimit. Karabinierët analizuan regjistrimet e kamerave të vëzhgimit me video, të dhënat telefonike dhe hetuar lidhjet mes viktimës dhe autorit të dyshuar. Falë këtyre hetimeve të imtësishme u bë e mundur kapja e autorit të krimit, i cili pak pas krimit ishte zhdukur duke u larguar nga qyteti.
Një bashkëpunim i rëndësishëm ndërkombëtar me autoritetet shqiptare, nëpërmjet Shërbimit për Bashkëpunim Ndërkombëtar Policor, ka lejuar që i arratisuri të gjendet fillimisht në Shqipëri dhe më pas, me kthimin e tij në Itali për arsye shëndetësore dhe familjare, në provincën e Fermos, u bë edhe arrestimi.
Pas ndalimit ai u dërgua në burgun e Fermos, ku tashmë do të duhet të vuajë dënimin përfundimtar me më shumë se dy dekada burgim.
