Nag Aurel Plasari
Në BE shpikjen e re e ka filluar z. Macron, sigurisht me shpresën që shpikja ta ndihmojë të mbajë – edhe nëpërmjet përhapjes së frikës – pushtetin e lëkundur prej një vargu skandalesh.
Në modelin e masave kinse ndaj “Pandemisë” së Kovidit-19, me urdhër të Macron-it po prodhohet një manual në formë fletëpalosjeje (fr. livret) rreth 20 faqesh “Për të mbijetuar” ose “Për të mbetur gjallë”, i cili do t’i dërgohet me postë çdo familjeje franceze. Titulli nuk është miratuar ende, por është propozuar njëfarë titulli evaziv si “Résilience française” ose “Tout résilients”.
Vetë Sekretari i përgjithshëm i Mbrojtjes e i sigurisë kombëtare të Francës (SGDSN) ka pohuar që një udhëzues i tillë është “pjesë integruese e strategjisë kombëtare të reziliencës të iniciuar pas Pandemisë së Kovidit-19”. Duke shtuar, për të qetësuar qytetarët, që masat në fjalë mund të shërbejnë jo vetën për gjendje lufte, por edhe për situata të reja pandemike, për katastrofa natyrore etj. Krejt siç funksionon një diktaturë: nëpërmjet ngjalljes së frikës dhe psikozës së rrezikut nga një armik i jashtëm i mundshëm për të neutralizuar revoltat civile.
Manuali përmban udhëzime për përgatitjen e një kompleti (kit) për t’u bërë ballë situatave dhe ai, sipas manualit, duhet të përmbajë:
– Bateri (pila) rezervë
– Paracetamol
– Qirinj
– Shkrepëse
– Një palë syze rezervë nëse mbani syze
– 6 litra ujë për person
– Një duzinë kuti konservash
– Një palë çelësa rezervë
– Një komplet loje shahu
– Etj.
Ndër rekomandimet bie në sy ai për të mbyllur mirë dyert dhe dritaret (!).
Vetëm prodhimi i manualit do të kushtojë 6 milionë euro, pa llogaritur shpenzimet e postimit. Për kundërvajtësit, që do të rezultojnë pa kompletin e gatshëm, është propozuar 135 euro gjobë.
Aktivistë të shumtë opozitarë kanë këshilluar qytetarët që, me t’u mbërritur manuali me anë të postës, ta kthejnë mbrapsht po me anë të saj me shënimin “kthim dërguesit”, shërbim i cili është falas. Ka edhe propozime për prodhimin e një fletëpalosjeje me titull “Manual për t’i mbijetuar Macron-it”./ Marr nga Facebook i autorit.
