Aldo Bumçi, ish-ministri i Jashtëm i Shqipërisë, i ftuar në emisionin Open në News 24 komentoi bisedën telefonike mes Donald Trump dhe Vladimir Putin, ku u arrit një armëpushim për disa çështje, si mossulmimi i infrastrukturës energjitike.
Ai e vlerëson këtë si një lajm të mirë, duke theksuar se vijimi i luftës në Ukrainë nuk është më një zgjidhje, pasi kundër-ofensiva e Ukrainës ka dështuar të arrijë qëllimin dhe territori i pushtuar nuk mund të merret pas kaq shumë kohësh.
Bumçi theksoi se Rusia mund të zgjerohet, por kjo do të ketë kosto të madhe, duke e bërë luftën të lodhshme pa një zgjidhje të dukshme. Ai vuri në dukje se nuk duhet të vendoset një precedent që mund të lejojë pushtuesit të kërkojë territore të tjera në të ardhmen. Në fund, ai përmendi gjithashtu faktin se Rusia është shkatërruar ndërkombëtarisht, por edhe Ukraina ka vështirësi të mëdha, siç është mungesa e forcave ushtarake.
Aldo Bumçi: Telefonata mes Trump dhe Putin është lajm tepër i mirë. Vijimi i luftës në Ukrainë nuk është më zgjidhje. Kundër-ofensiva e Ukrainës nuk ia arriti qëllimit. Kievi nuk i merr dot territoret dhe Rusia mund të zgjerohet, por me kosto të madhe. Kjo është një luftë e lodhshme dhe nuk ka as zgjidhje, sepse askush nuk ka fuqi për të arritur zgjidhjen. Tashmë kemi më shumë se dy vite luftë. Rusia pushtoi Krimenë dhe gjithë bota e premtoi dhe në Perëndim ka pasur parti të majta e të djathta që e pranonin Putinin. Rusia është me imazh të shkatërruar, por edhe Ukraina ka probleme me faktin që nuk ka ushtri. Edhe Stoltenberg ka thënë se territoret e pushtuara nga Rusia nuk merren dot. Por, nuk duhet të vendoset precedent, që pushtuesi nesër të ketë pretendime në territore të tjera.
