Një 39-vjeçar shqiptar, i kërkuar për tentativë vrasje, u vetëdorëzua nën shoqërinë e avokatit të tij të hënën, thanë autoritetet greke.
Ai akuzohet për përfshirje në të shtëna me armë në dhjetor të vitit 2023 jashtë një klubi nate në lagjen athinase të Gazit, ku hapi zjarr ndaj tre burrave nga Kreta pas një sherri.
Mediat greke raportojnë se, shqiptari dhe një burrë tjetër iu afruan grupit tjetër me një makinë rreth orës 7 të mëngjesit, më 16 dhjetor të vitit të kaluar. Pasi njëri prej tyre ka goditur një anëtari të grupit, ka pasur një konfrontim dhe i dyshuari i dytë ka nxjerrë një armë dhe ka qëlluar. Në vendngjarje janë gjetur katër gëzhoja, ndërsa personat e plagosur u dërguan në spital.
Të dy të dyshuarit janë të njohur për autoritetet. 39-vjeçari shqiptar ka një histori kriminale në Shqipëri, përfshirë edhe një dënim me burg për grabitje me armë.Ndërsa, 34-vjeçari është përballur me akuza të shumta, përfshirë trafikimin e qenieve njerëzore dhe tentativën për vrasje.
