Dyqanet e lagjeve, supermarketet, baret e restorantet dhe veçanërisht pikat e karburante e shitën më shumë produkte fund-vitin e shkuar. Të dhënat nga Instituti i Statistikave tregojnë se shitjet me pakicë në tremujorin katërt të 2024-s, u zgjeruan me 7.8 për qind krahasuar me të njëjtën periudhë kohore të 2023-shit.
Kontributin më të madh në këtë ecuri e ka dha kërkesa për karburant.
Vitin e shkuar u importua naftë si kurrë më parë… më shumë se 657 mijë tonë. Në raport me vitin 2023, sasia e karburantit të hyrë në vend u rrit me rreth 43 mijë tonë apo 7 për qind. Ndryshe nga më herët, importet e naftës gjatë vitit të shkuar u përqendruan te India e lagët, duke zëvendësuar kështu Italinë fqinje.
Ndikim në zgjerimin e importeve gjatë gjithë vitit të përgjithësi dhe tremujorit të katër në veçanti importi i automjeteve dhe produktet ushqimore.
“Në fund të vitit ka një rritje si pasojë e festave. Shkurti i marsi janë përgjithësisht të dobët”, thotë një tregtar i fruta-perimeve.
Te këto të fundit më shumë se nga shqiptarët, zgjerimi i shitjeve erdhi nga turistët e huaj. “Po si të blejmë me këto çmime. Domate e sezonit dhe kushton 1 mijë e 500 lekë. Nuk dimë se ça po bëhet”, shprehen qytetarët.
Pa përfshirë karburantet, shitjet me pakicë në 3-mujorin e katërt të vitit të shkuar u zgjeruan me 5.3 për qind në raport me të njëjtën periudhë kohore të 20233-shit./ A2CNN
