Qeveria ka shkarkuar nga detyra zëvendësministren e Ministrisë së Financave, Adela Xhemali. Vendimi është marrë në mbledhjen e sotme të Këshillit të Ministrave.
Ndërkohë, po në mbledhjen e sotme është marrë vendimi që në postin e zv.ministres së Financave të emërohet Erjona Bejleri, e cila do të zëvendësojë Adela Xhemalin e shkarkuar.
Nuk dihen arsyet se pse është bërë ky ndryshim në Ministrinë e Financave të drejtuar nga Petrit Malaj.
Dy vendimet emërim-lirim të Qeverisë:
VENDIM PËR EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Znj. Erjona Bejleri emërohet zëvendësministër i Financave.
Ky vendim hyn në fuqi menjëherë dhe botohet në “Fletoren zyrtare”
VENDIM PËR LIRIM NGA DETYRA
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Znj. Adela Xhemali, zëvendësministër i Financave, lirohet nga kjo detyrë.
Ky vendim hyn në fuqi menjëherë dhe botohet në “Fletoren zyrtare”.
