Trajneri i Kosovës U-21, Afrim Tovërlani, vijon të trazojë ujërat me deklarata kontroverse kundrejt Shqipërisë.
Pasi e quajti tradhtar Etnik Brrutin për kalimin nga Kosova U-21 te Shqipëria, i ftuar në Dueli Sportiv, Toverlani ka lëshuar një deklaratë edhe më shqetësuese.
“Ne nuk do të arrijmë asnjëherë të kualifikohemi në Europian apo Botëror, nëse Shqipëria na shkatërron kështu. Duhet të ndalet Shqipëria. Nëse ne nuk ftojmë një lojtar, atëherë ta ftojë Shqipëria
Ata kanë disa avantazhe në Itali. Lojtarët e Shqipërisë njihen si vendas dhe jo të huaj. Ndërkohë, në Rusi njihet pasaporta e Shqipërisë, e Kosovës jo.
Ne e kemi patur zakon që lojtarët e Kosovës U-21 të inspirohen para ndeshjeve me këngët “Mora Fjalë”, me këngët e Zahir Pajazitit dhe këngët e tjera patriotike. Nuk i kam ndaluar, por tani ka ardhur koha që t’i ndalojmë, sepse këto nuk po vlejnë. Shqipëria po na shfrytëzon.
