Janë mbyllur pjesët e para të dy sfidave të Kategorisë Superiore, Dinamo-Bylis dhe Skënderbeu-Partizani.
Në “Elbasan Arena” Dinamo kryeson 2-1 ndaj ballshiotëve. Skuadra e Dajës shënoi golin e parë në minutën e 7-të.
Batista nis në mënyrë të gabuar topin, i cili ndalet nga Zabërgja i cili pason për Mandelën. Ky i fundit shmang portierin dhe shënon në portën e ballshiotëve.
Dyfishimi i shifrave erdhi në minutën e 28-të. Zabërgja nga e djathta përfiton nga gabimi i prapavijës dhe ka hapësirën të pasojë qetësisht në zonë ku Bregu nuk e ka të vështirë të tundë rrjetën.
Ndërkohë miqtë shkurtuan shifrat në minutën e 34-t me golin e Ruçit. Në Korçë, Skënderbeu kryeson 1-0 ndaj Partizanit. Goli që vendosi fatet e pjesës së parë u shënua në minutën e 35-të nga Ardit Nikaj me anë të një 11-metërshi.
