Yjet e Barcelonës, Ferran Torres dhe Ronald Araujo, janë identifikuar si dy lojtarë që mund t’i ofrohen Milanit në këmbim të Rafael Leao.
Sipas gazetës katalanase “Nacional”, “Blaugranët” janë të gatshëm të lënë të lirë dyshen për të siguruar një marrëveshje për sulmuesin portugez.
Çmimi i kërkuar i kuqezinjve prej 120 milionë eurosh për Leaon do të vështirësojë çdo marrëveshje për gjigantët katalanas mes problemeve të tyre financiare.
Kështu, ata mund të kërkojnë ta anashkalojnë pagesën e shumës, duke ofruar këta dy lojtarë.
Leao mund të jetë një përforcim i rëndësishëm për një skuadër si Barcelona që kërkon një përforcim në krahun e majtë.
Nico Williams i Athletic Bilbao u identifikua si një objektiv kyç, por ai zgjodhi të qëndrojë me skuadrën baske.
Raphinha ka shfrytëzuar mundësinë dhe ka shkëlqyer për klubin këtë sezon, por shtimi i një lojtari më natyral mund të jetë i frytshëm.
