Analisti Enton Abilekaj ka komentuar procesin ndaj Veliajt dhe vendimin që pritet ditën e nesërme për masën e sigurisë ndaj tij.
Abilekaj komentoi edhe ardhjen nga SHBA të avokatëve, që janë konsulentë të Veliajt. Ai e konsideroi si një ngjarje që sjell pesimizëm.
“Ata thanë jemi konsulentë të Erion Veliajt. Thotë studio është konsulente dhe pastaj vëzhgues. Pra Veliaj ka një studio konsulente nga më të mëdha në Amerikë që punon për individë shumë të pasur. Këshillon kryetarin e Bashkisë së Tiranës. Kjo është shenjë që të bën pesimist. Tregon për lidhje okulte që ka një zyrtar me një zyrë avokatie shumë të madhe amerikane, tregon që edhe të bësh drejtësi me këta njerëz që kanë pushtet të tillë dhe këto lidhje, është shumë e vështirë, sepse përplasesh edhe me lidhjet e tyre që kanë sponsorizuar me para të padeklaruara deri në SHBA dhe Evropë.
Kjo të bën pesimist. Imagjino që kemi një SPAK, që në ditën e parë që ndaloi Veliajn, u përball me presionin e kryeministrit, mediave, bizneseve dhe tani vjen edhe një nga Amerika, një studio ligjore e madhe që thotë do të jemi vëzhgues dhe do ta ndërkombëtarizojë”, tha Abilekaj i ftuar në emisionin “Të Paekspozuarit” në MCN TV.
