Nëse do të luajmë shanset tona në ndeshjen hapëse të kualifikueseve të Botërorit 2026, padyshim që Kombëtares do t’i duhet një mbrojtje solide kundër yjeve të Anglisë.
Kane, Saka, Foden dhe shumë lojtarë të klasit botëror dhe me një trajner si Tuhel, që kërkon të debutojë me sukses, prapavija kuqezi duhet të jetë në vigjilencë të plotë.
Sa i përket qendrës së mbrojtjes, Marash Kumbulla dhe Berat Gjimshiti kanë luajtur rregullisht. Po ashtu edhe Ardian Ismajli, pavarësisht se në ndeshjet e fundit ka pasur disa shqetësime të vogla fizike.
Mario Mitaj siguron krahun e majtë dhe Ivan Balliu në anën tjetër është më gati se kurrë. Sezon të shkëlqyer edhe një alternativë si Enea Mihaj.
