Një punonjës turk ka mbetur i dëmtuar lehtë gjatë punës që po kryente në Aeroportin që po ndërtohet në Vlorë.
Sipas policisë, 27-vjeçari turk teksa shtronte pistën e avionit në fshatin Akërni, duke punuar me makinerinë ka humbur ekuilibrin dhe për pasojë është dëmtuar.
Lidhur me këtë rast thonë uniformat blu të qytetit bregdetar, kanë nisur hetimet për zbardhjen e rrethanave të ngjarjes.
‘Specialistët për Hetimin e Krimeve në Komisariatin e Policisë Vlorë referuan materialet në Prokurori pasi më datë 04.03.2025, shtetasi S. B., 27 vjeç, banues në Turqi, duke punuar me makinerinë e shtrimit të pistës së aeroportit në fshatin Akërni, dyshohet se ka humbur ekuilibrin dhe, për pasojë, është dëmtuar lehtë’, njofton policia.
