Gjykata e Posaçme ka pushuar çështjen ndaj kryetarit të Bashkisë së Libohovës, Leonard Hide. Kryebashkiaku socialist ishte marrë i pandehur nga SPAK për veprën penale “shpërdorim detyre”.
Ai akuzohej nga Prokuroria e Posaçme se kishte lejuar kultivimin e kanabisit në vitin 2021, gjatë periudhës që ka qenë shef krimesh në komisariatin e Gjirokastrës (para se të kandidonte për kryetar Bashkie në vitin 2023) dhe të fitonte mandatin.
Hetimi në atë kohë u krye nga ish-Shërbimi për çështjet e Brendshme dhe Ankesat dhe Prokuroria e Gjirokastrës. Operacioni për të cilin akuzohej Hide, nisi në më 1 Shtastor të vitit 2021, ku u zbuluan disa plantacione droge me qindra bimë narkotike.
Më ndërhyrjen nga Tirana, u konstatua se disa kontrolle nga policia lokale ishin shmangur, ndërsa në rrugë informative mbërrinin të dhëna për bashkëpunim me Policinë.
Kishte dyshime se së bashku me pjesëtarë të tjerë të Policisë së Gjirokastrës, ish-shefi i krimeve kishte përfituar para në këmbim të mbrojtjes policore për trafikantët e drogës. Ai dyshohet se kishte vepruar në bashkëpunim me oficerët Besnik Lika, Hajdin Musaraj, Mariglen Dino, Edmond Late dhe Geraldo Nela.
Pasi Leonard Hide ka marrë postin e kryebashkiakut të Libohovës, prokuroria e Gjirokastrës shpalli moskompetencë dhe e dërgoi dosjen te SPAK.
Por hetimet e Prokurorisë së Posaçme duke se nuk kanë zbuluar implikim të tyre në veprimtarinë kriminale.
