Kryeministri Edi Rama ka publikuar një video me Sekretarin e Kryeministrisë Engjëll Agaçin, për të cilin më herët janë ngritur akuza nga kreu i opozitës Sali Berisha se është arratisur nga vendi.
Por nga ana tjetër kryeministri Rama ka deklaruar se Engjëll Agaçi ka qenë në Itali për mjekim, madje gjendja e tij shëndetësore ka qenë tepër e rëndë, pasi pas një operacioni në zemër pati edhe probleme me mushkërinë.
Por sot, kreu i qeverisë ka publikuar një video ku shfaqet në zyrën e tij së bashku më Engjell Agaçin.
“Ky është Sekretari i Përgjithshëm i Kryeministrisë, Engjëll Agaçi, të cilin Bufi i Kënetës e shpalli arratiak në kërkim nga drejtësia dhe e gjithë aradheja kënetore kanal më kanal e portal më portal, ia telendisi familjen e të afërmit, duke batërdisur publikun me kua-kua-kuara të ububushme, teksa tjetri ishte në fije të perit në reanimacion me frymëmarrje të drejtuar, pas një operacioni në zemër që pasoi nga një ndalim i funksionit të mushkërive”, shkruan Rama në Facebook.
Rama: Sapo jam kthyer nga Berlini dhe kam gjetur këtu një të kthyer tjetër nga arrati, Engjëll Agaçi. Ja ku është.
Agaçi: Përshëndetje të gjithëve dhe ju falenderoj të gjithëve për mbështetjen.
Rama: Jo të gjithë, për mbështetje atyre që të mbështetën, të tjerëve në 11 maj.
