Autoritetet italiane kanë arrestuar një 35-vjeçar shqiptar, i cili është kapur me lëndë narkotike kokainë.
Mediat vendase raportojnë se shqiptari është mbajtur nën vëzhgim, dhe është zbuluar se e fshihte drogën në mes të plantacionit me lajthi të zonës në Vairano Scalo, teksa ndihmohej nga një tjetër shqiptar 24-vjeçar.
Gjatë vëzhgimit të të dyshuarit, oficerët vunë re se ai lëvizte çdo ditë nga Vairano Patenora, i shoqëruar nga një burrë tjetër në makinën e tij, në një parcelë me lajthi në fshatin e komunës Caianello, ku qëndroi gjatë gjithë ditës.
Në momentin kur ka dalë prej andej, karabinierët ushtruan kontrollin në mjetin “Volkswagen Passat”, e regjistruar në një kompani makinash me qira, që e drejtonte një 24-vjeçar, kurse 35-vjeçari ishte pasagjer në mjet.
Pas kontrollit në makinë dhe atij fizik, u gjet një shumë prej 1710 eurosh cash. Kontrolli i mëpasshëm i kryer në lajthinë ku burri ishte parë disa herë, ushtarakët gjetën në trungun e një peme një kavanoz qelqi me 56 doza kokainë, me peshë totale 100 gramë.
I arrestuar për posedim të lëndëve narkotike me qëllim për t’u marrë, ai u transferua më pas në burgun Santa Maria Capua Vetere. 24-vjeçari, gjithashtu me origjinë shqiptare po hetohet në gjendje të lirë për bashkëpunim në krim.
