Aksi rrugor i Llogarasë në Vlorë është bllokuar mbrëmjen e kësaj të premteje, duke krijuar kaos në qarkullimin e automjeteve.
Mësohet se ka qenë një kamion trajlet, i cili është bërë shkaku për bllokimin e rrugës, Mësohet se kamioni ka ngecur në një kthesë në ngjitje gjatë itinerarit nga Vlora drejt Himarës.
Kjo gjë ka shkaktuar bllokim të qarkullimit në Llogara, duke krijuar trafik të automjeteve.
Kujtojmë se tuneli i Llogarasë momentalisht është i mbyllur dhe i vetmi aks që lidh Vlorën me Himarën dhe fshatrat turistikë është segmenti i Llogarasë.
