Nuk ka qenë aspak me tone të ulëta takimi në Shtëpinë e Bardhë mes presidentit të SHBA-ve, Donald Trump dhe atij ukrainas Volodymyr Zelenskyy, të cilët janë përplasur për luftën në Ukrainë. Sipas mediave të huaja, i pranishëm në takim ishte edhe zëvendëspresidenti i SHBA-ve, JD Vance.
Trump i tha liderit ukrainas se ai “ka folur shumë” dhe se “po luan bixhoz me luftën e tretë botërore”. Ai shtoi gjithashtu se pa Presidentin amerikan dhe SHBA-të, Zelensky është askushi.
Mes vizitës së Zelenskyy në Shtëpinë e Bardhë, Vance tha se një rrugë për të siguruar paqen midis Rusisë dhe Ukrainës ishte përmes angazhimit të SHBA-së në diplomaci, duke përfshirë bisedën me presidentin rus Vladimir Putin, sipas shënimeve të takimit të Shtëpisë së Bardhë.
“Ne nënshkruam një marrëveshje me Putin. Ai nuk e mbajti atë, për çfarë lloj diplomacie po flisni?”- i tha Zelensky-Trump.
“Shumë mungesë respekti,” tha Vance për komentin e Zelenskyy, ndërsa Trump vuri në dukje se Ukraina “nuk është në një pozicion të mirë” dhe luan kumar me Luftën e Tretë Botërore.
“A keni thënë faleminderit një herë?”, e pyeti Vance-Zelenskyn, shkruan A2 CNN. “Ke folur shumë”, i tha Trump Zelenskyy-t.
Zelenskyy udhëtoi për në SHBA të premten për t’u takuar me Trump në Shtëpinë e Bardhë pasi ky I fundit tha të enjten se një negociatë paqeje për t’i dhënë fund luftës midis Ukrainës dhe Rusisë është në fazat e fundit.
Administrata Trump po punon gjithashtu për të nënshkruar një marrëveshje me Ukrainën që do t’i lejonte SHBA-së akses në mineralet e Ukrainës, në këmbim të mbështetjes që SHBA-ja i ka ofruar Kievit që nga shpërthimi i luftës në 2022, si pjesë e marrëveshjes së paqes.
Trump gjithashtu vuri në dukje gjatë komenteve të tij për mediat se një takim trepalësh midis Rusisë dhe Ukrainës, si dhe SHBA-së, nuk do të ishte “ndeshje dashurie” dhe ka të ngjarë të jetë i vështirë.
“Ata nuk e pëlqejnë njëri-tjetrin, mund t’ju them se nuk është një ndeshje dashurie”, tha Trump për mediat kur u pyet se si e parashikon një takim trepalësh midis SHBA-Rusi-Ukrainë.
Raportohet se liderët amerikanë kanë lëshuar një sulm frontal ndaj presidenti ukrainas, duke e vënë atë me “shpatulla pas murit” dhe e gjetën të papërgatitur saqë nuk i vinin fjalët në anglisht dhe të përgjigjej.
Presioni ishte që Zelensky të pranojë sa më shpejt një marrëveshje armëpushimi me Rusinë dhe më pas të kërkojë një garanci për sigurinë, pasi në këtë momente sipas presidentit amerikan, ai nuk është në pozita të vendosë kushte.
Duket se qejfmbetja me Zelenskyn i ka rrënjët më të thella, pasi J.D. Vance nuk harroi t’i kujtonte presidentit ukrainas se në muajin tetor ai kishte bërë fushatë për rivalët e tyre në presidenciale.
“Pa ne nuk ke asnjë letër. Sjellja e tij duhet të ndryshojë. Duhet të jesh mirënjohës. Duhet të bësh një marrëveshje ose ne do t’iu braktisim dhe nëse ne ju braktisim ne atëherë do të shohësh në të vërtetë se sa i fortë je. Nuk ke letrat. Po nënshkruam marrëveshjen do të jesh në pozitë më të mirë”, ishin disa nga fjalët e Trump drejtuar Zelenskyt në këtë takim.
“Nëse mund të arrini një armëpushim tani, unë do t’ju thoja ta pranoni atë në mënyrë që plumbat të ndalojnë së fluturuari”, thotë Trump .
Zelensky-“Sigurisht që dua të ndaloj luftën -”
Trump: “Ti thua se nuk dëshiron armëpushim”.
Zelensky: Dua një marrëveshje armëpushimi me garanci.
Presidenti amerikan nuk la pa përmendur dhe paratë që Ukraina ka marrë nga paarardhësi i tij për këtë luftë, të cilit iu referua dhe me fjalë fyese.
“Ne ju dhamë nëpërmjet këtij presidenti budalla 350 miliardë dollarë, ju dhamë pajisje ushtarake… nëse nuk do të kishit pajisjet tona ushtarake, kjo luftë do të kishte përfunduar brenda dy javësh”.
