Katër persona janë arrestuar pasi u kapën në flagrancë duke transportuar drogë në Tiranë.
J. M, 27 vjeç dhe J. M., 35 vjeç të dy banues në Tropojë; Gj. H., 28 vjeç dhe O. I., 35 vjeç, të dy banues në Tiranë, u ndaluan teksa udhëtonin me një automjet tip “Benz”, në të cilin u gjetën në bagazh 2 thasë të mbushur me kanabis me peshë totale 11 kg.
Lënda narkotike u sekuestrua në cilësinë e provës materiale bashkë me automjetin dhe 5 celularë.
“Sektori për Hetimin e Narkotikëve, në bashkëpunim me Sektorin e Forcës Operacionale, të DVP Tiranë, në kuadër të një procedimi proaktiv, nën drejtimin e Prokurorisë, pas një pune hetimore tremujore, ka organizuar dhe ka finalizuar operacionin policor të koduar “Carry on”.
Si rezultat i këtij operacioni u arrestuan shtetasit:
J. M, 27 vjeç dhe J. M., 35 vjeç të dy banues në Tropojë; Gj. H., 28 vjeç dhe O. I., 35 vjeç, të dy banues në Tiranë.
Gjatë operacionit, në rrugën “Bill Klinton”, shërbimet e Policisë kanë ndaluar automjetin tip “Benz”, në të cilin gjatë kontrollit, në bagazh, janë gjetur dhe sekuestruar 2 thasë të mbushur me lëndë të dyshuar narkotike kanabis, me peshë totale 11 kg.
Lënda narkotike u sekuestrua në cilësinë e provës materiale, bashkë me automjetin dhe 5 celularë.”– njofton policia.
Materialet i kaluan Prokurorisë, për veprime të mëtejshme.
