Partia Demokratike ka depozituar prova të reja gjatë kësaj jave në Prokurorinë e Posaçme (SPAK) për korrupsionin e ministres së Infrastrukturës dhe Energjetikës, Belinda Balluku.
Lajmin e ka bërë me dije kreu i grupit parlamentar të PD-së, Gazment Bardhi, i cili njofton se nesër në orën 11:30 do të dalë në një konferencë për mediat ku do të japë më shumë detaje. Bardhi shkruan me ironi në postimin e tij në rrjetet sociale se Edi Ramës nuk i ka ecur fare me zëvendëskryeministrat.
Kujtojmë se PD ka depozituar disa padi në SPAK për Belinda Ballukun, ku një prej tyre është për korrupsionin me tunelin e Llogarasë, i cili ka kushtuar rreth 170 milionë euro në total dhe pretendohet se kostot janë fryrë me 30 milion euro, të cilat i kanë shkuar një kompanie turke, e cila nuk ka bërë asnjë punë.
Ndërsa një padi tjetër ka të bëjë me shit-blerjen e energjisë elektrike ka dyshohet se vetëm për një vit abuzimi ka shkuar në mbi 180 milion euro.
Postimi i plotë:
Belinda Balluku = Korrupsion!
11.3 kg prova për korrupsionin e nr. 2 të qeverisë kam dorëzuar këtë javë në SPAK! Edhe më shumë do të jenë nga nesër! Ju ftoj të më ndiqni të Premten, ora 11:30 në një konferencë për shtyp!
p.s. S’i ka ecur fare Ramës me zëvendëskryeministrat!
