Vrasja e 20-vjeçari Pavlin Preka mesditën e sotme në fshatin Guci e Re, ka tronditur Shkodrën.
Deri më tani mbeten mister rrethanat e ngjarjes dhe autori i vrasjes.
Ndërkohë ka folur për mediat xhaxhai i viktimës, i cili ka deklaruar se viktima nuk ka pasur asnjë problem me askënd dhe se ishin një familje e thjeshtë.
Prek Preka ka deklaruar se familja e tyre nuk ka hamsëri.
“Pavlin, është djali vëllaut, e kam nip. Lajmin e kam marrë vesh para 20 minutash. E kanë vrarë, bile unë kam marrë fjalë e kanë therë te shtëpia në Guci. Asnjë problem nuk ka pasur… Jetonte me babën dhe vëllanë e vetë në Dukagjin shumicën e kohës. Në Dukagjin ka bagëti, punonte dhe tokat. Gjendja ekkonomike…kanë ngrënë një kafshatë buke me forcim, është rritur vetëm me babanë. Halle si tërë të tjerët. E di vetë policia, s’kam nevojë me i mësuar unë, shteti merr masat e veta“, deklaroi ai.
Kujtojmë se Pavlin Preka u gjet pa shenja jete në oborrin e banesës nga xhaxhai i tij. Ai u qëllua me një plumb të vetëm në gjoks.
