Një aksident automobilistik është regjistruar pasditen e kësaj të enjteje në aksin rrugor Lushnjë-Plug.
Nga informacionet paraprake mësohet se një automjet tip “Mercedes Benz” që drejtohej nga 76-vjeçari Feti Rramanaj, ka dalë nga rruga dhe ka përfunduar në tokat bujqësore anës rrugës.
Shoferi ka mbetur i plagosur me plagë të lehta dhe është dërguar në spital, ku ndodhet jashtë rrezikut për jetën.
Dyshohet se shkaku i aksidentit të ketë qenë shpejtësia tej normave të lejuara me të cilën 76-vjeçari po drejtonte automjetin. Mësohet se makina ka përfunduar rreth 400 metra në brendësi të tokave bujqësore.
Policia ndodhet në vendin e ngjarjes.
