Gazetari Enton Abilekaj ka shpërthyer me kritika ndaj kryeministrit Edi Rama i cili kohët e fundit po ushtrojn presion dhe kërcënim të hapur ndaj organeve të drejtësisë.
Gjatë një postimi në rrjetet sociale, Abilekaj me ironi pyet se ‘çfarë po e detyron Ramën që të bëjë avokatin e çdo të dyshuari për vjedhje?’
Abilekaj thekson se Rama po relativizon hajdutërinë në Shqipëri.
“Çfare po e detyron Ramen te dale ne mbrojtje te çdo te dyshuari per vjedhje? Relativizon hajduterine tani qe nuk e perjashton dot me veten apo e shikon si moment oportun per ta marre nen kontroll edhe ate pjese te SPAK qe nuk e kishte, tani qe iken amerikanet? Apo te dyja?”, shkruan Enton Abilekaj.
- Kritikat e Ramës pas ‘urdhër arresteve’ të SPAK ndaj Universitetit Bujqësor
“Masa sigurie pa gjyq”, kështu i cilëson kryeministri Edi Rama arrestimet e bëra me kërkesë të Prokurorisë së Posaçme në Universitetin Bujqësor.
Kryeministri Edi Rama ka vendosur të kthejë Kuvendin në një sallë gjyqi kundër SPAK. Pasi dëgjuan Klotilda Bushkën, këtë herë Edi Rama ka vendosur të thërrasë në seancë rektorin e Universitetit Bujqësor të Tiranës.
Vendimi vjen pasi SPAK lëshoi dhjetëra masa sigurie për zyrtarët e këtij universiteti, por Rama ka vijuar të bëjë avokatin mbrojtës duke deklaruar se këto masa sigurie janë lëshuar pa gjyq.
Lexo edhe:
EMRAT/ 24 masa sigurie për stafin e Universitetit Bujqësor, Rama bën avokatin: Pa Gjyq!
