Policia e Elbasanit ka arrestuar 3 persona pasi u janë gjetura sasi të ndryshme të lëndës narkotike kanabis sativa. Në pranga u vunë B. T., 32 vjeç, A. T., 37 vjeç dhe E. T., 34 vjeç.
Ndërkohë, nisi procedimi në gjendje të lirë për shtetasit A. B., 33 vjeç, F. A., 34 vjeç dhe J. K., 30 vjeç, pasi u kapën në flagrancë duke blerë dhe konsumuar doza të lëndës narkotike.
“Në kuadër të operacionit të koduar “Streets” u vunë në pranga shtetasit B. T., 32 vjeç dhe A. T., 37 vjeç, pasi nga kontrollet fizike dhe në banesa, iu gjetën rreth 725 gramë Cannabis, e ndarë në doza të gatshme për shitje. Gjithashtu, iu gjetën 81 000 lekë të dyshuara të përfituara nga kjo veprimtari kriminale.
Më tej, nisi procedimi në gjendje të lirë për shtetasit A. B., 33 vjeç, F. A., 34 vjeç dhe J. K., 30 vjeç, pasi u kapën në flagrancë duke blerë dhe konsumuar doza të lëndës narkotike.
Gjithashtu, u arrestua në flagrancë shtetasi E. T., 34 vjeç, pasi u gjetën në fshehura në koshin e motomjetit që drejtonte në fshatin Shtërmen, Cërrik, rreth 525 gramë Cannabis Sativa dhe 1 peshore elektronike.”- njofton policia.
Materialet procedurale iu referuan Prokurorisë së Elbasanit, për veprime të mëtejshme.
