Ish-kreu i Autoritetit Rrugor Shqiptar, Dashamir Xhika është paraqitur këtë premte në Prokurorinë e Posaçme (SPAK), ku ka dëshmuar për rreth d1 orë e 40 minuta para agjentëve të BKH-së.
Pas daljes nga SPAK, Xhika ka dhënë një prononcim për mediat, ku ka konfirmuar se është marrë në pyetje në lidhje me një procedurë tenderimi që ka të bëjë me kohën gjatë së cilës ai ka qenë në krye të Autoritetit Rrugor Shqiptar, në periudhën 2013-2017.
“Gjithmonë për një procedurë të kryer në kohën kur kam qenë drejtor i ARRSH”, tha ai.
I pyetur nga gazetarët nëse bëhet fjalë për rrugën Tiranë Elbasan, ai u përgjigj shkurtimisht: “Jo”, ndërsa shtoi se “për një procedurë që s’kishte lidhje shumë me ARRSH”.
Kjo është hera e dytë që Dashami Xhika paraqitet në SPAK, pasi ka dëshmuar edhe më 14 maj të vitit të kaluar.
