Një ngjarje e rëndë është regjistruar paraditen e kësaj të mërkure në Tiranë, ku një person dyshohet se i ka dhënë fund jetës në mënyrë tragjike.
Viktima është shtetasi Genci Aliaj, rreth 48 vjeç, punonjës policie i burgjeve. Sipas autoriteteve policore, dyshohet se ai është vetëvrarë me armë zjarri pistoletë në banesë.
Ngjarja ka ndodhur rreth orës 11:00, në rrugën “Shefqet Musarai”. Ende nuk dihen arsyet që e kanë çuar 48-vjeçarin drejt këtij akti ekstrem.
Grupi hetimor po punon për sqarimin e rrethanave të ngjarjes.
