Në mbyllje të procesit zgjedhor në Kosovë, ende mbetet me interes qeveria e re e cila do të vijë si produkt i zgjedhjeve dhe koalicioneve.
Nënkryetari i kuvendit të Kosovës, Enver Hoxhaj u shpreh se PDK nuk ka vijë të kuqe përsa i përket bisedimeve me parti në qeverisje ose koalicion. Sipas tij, partia e tyre ka në themel lirinë. Lidhur me çështjen e Hagës, ai u shpreh se krerët e Uçk mbahen padrejtësisht dhe se partia e tyre i beson perëndimit dhe Amerikës.
“Qasja jonë ka qenë çdo herë që nuk kemi vija të kuqe që të takohemi dhe të bisedojmë me këdo që do të jetë pjesë e diskutimeve. Jemi në pritje të përfundimit të procesit zgjedhor. Ndryshimit të Kosovës duhet ti paraprijë Bedri Hamza. Situata konkrete politike është e tillë që Kurti ka fituar zgjedhjet, duhet të marrë mandatin nga Osmani dhe vetëm në një opsion që dështon të krijojë qeverinë e re, vjen opsioni i kryeministit Hamza.
Është pjesë e filozofisë sonë që ne nuk kemi vija të kuqe asnjëherë. Ne jemi parti që qëndrojmë në themele të lirisë, nuk kemi vija të kuqe për ata që janë në qeveri ose në opozitë. Ne mendojmë që Kurti i ka bërë dëm të madh politikës së brendshme dhe të jashtme. PDK e ka pjesë të filozofisë së saj që nuk kemi vija të kuqe, por nuk kemi koalicion me Vetëvendosjen. Ne presim që Gjykata Speciale të marri një vendim që të përmbylli procesin atje. Është jetike për ne koordinimi me partnerët ndërkombëtar.
Një temë e tillë duhet diskuttuar me partnerët tanë europianë, amerikanë. E shohim të padrejtë mbajten krerëve të UCK dhe presim një përmbyllje të procesit. Ne jemi mëse të vendosur të jemi ajo parti që i beson Amerikës, perëndimit.”
