Bylisi dhe Elbasani e kanë mbyllur me barazim 1-1, sfidën e vlefshme për javën e 25-të të Superiores.
Një përballje e luftuar nga të dyja ekipet, që kërkuan deri në fund fitoren. Tsague zhbllokoi i dha avantazhin Elbasanit në minutën e 11-të, rezultat me të cilin u mbyll pjesa e parë.
Megjithatë në pjesën e dytë, Berko barazoi shifrat për vendasit. Si Elbasani ashtu edhe Bylisi, iu afruan në disa raste golit të fitores, por gabuan në metrat e fundit.
Debutim me barazim për trajnerin e ballshiotëve, Gentian Mezani, i cili pasoi në stol të larguarin Nevil Dede.
Ky barazim mban Elbasanin në vendin e pestë me 30 pikë, ndërsa Bylis renditet i shtati me pesë pikë më pak.
