Futbolli po ndryshon. Klubet po mendojnë për marketingun dhe fitimet më shumë sesa për pasionin e njerëzve.
Kështu po vepron edhe UEFA, shtëpia e futbollit evropian.
Sipas “The Independent”, planet e UEFA-s janë që Champions League të ndryshojë destinacion pas tetë vitesh.
Situata do të ndryshojë krejtësisht, sepse bëhet fjalë për zhvillimin e ndeshjeve në Shtetet e Bashkuara të Amerikës.
Duke përfshirë edhe finalen, Champions League nuk do të zhvillohet në kontinentin europian, ose vetëm pjesërisht do të ketë disa ndeshje në Europë.
UEFA synon të futet në një treg të ri global, me fitime marramendëse, duke injoruar faktin se nuk quhet FIFA, por UEFA, pra një institucion që lidhet me futboll kontinental dhe jo botëror.
