Në protestën e sotme para SPAK-ut në procesin gjyqlsor ndaj Erion Veliajt, militantëve të PS-së dhe punonjësve të Bashkisë së Tiranës, iu janë bashkuar edhe këngëtarët Çiljeta Xhilaga dhe Landi Fonia, sportistja Luiza Gega, etj.
Siç duket, këta të ashtuquajtur “VIP-a”, nuk janë ndalur vetëm me komentet në rrjetet sociale, por i janl bashkuar edhe presionit ndaj drejtësisë me protesta.
E teksa Landi Fonia nuk e ka patur guximin të flasë për gazetarët, Çiljeta dhe Luia Gega kanë dhënë prononcime të shkurtëra për mediat.
Ato kanë folur me gjuhën e Ramës, ku kanë kërkuar fakte, edhe pse e pranojnë të dyja se nuk e kanë idenë se çfarë përmban dosja prej rreth 360 faqesh e SPAK.
“Sot jam si mike e Erionit. Nuk dua t’i hy dosjes, përpara duhet të kemi fakte, pastaj duhet të flasim. Mbështetja ime për të do të vijojë gjithë jetën.” – tha Çiljeta Xhilaga.
“Nuk kam informacion për pjesën juridike, me sa jam informuar është diçka e bërë në mënyrë të padrejtë. Jemi këtu për mbështetjen që kemi marrë nga klubi i Tiranës që është pjesë e bashkisë, është një lloj mbështetje. Të gjithë e dimë që duhet të faktohen gjërat, nuk e kam idenë se si…. Këto supozime më duken të çuditshme si janë bërë. Unë mendoj që drejtësia do vazhdoj punën e saj, i besoj drejtësisë, por nuk më pëlqen mënyra se si qasen gjëra”, tha Luiza Gega.
