Bayern Munich ka marrë fitoren që kërkonte në Skoci përballë Celtic vendas, edhe pse nuk ka qenë me diferencën e thellë që parashikonin të gjithë.
Bavarezët kanë fituar me rezultatin 2-1 përballë skocezëve, duke kryer pjesën e parë të “detyrës” për të kaluar në turin tjetër në Champions League teksa pritet të vulosin gjithçka në Mynih në javën e ardhshme.
Golat e Olise dhe Harry Kane vendosën Bayernin në shinat e duhura në këtë eliminatore, ndërsa për vendasit nuk mjaftoi goli i Maeda për të kërkuar diçka më shumë, me kualifikimin që duket se po u buzëqesh gjermanëve.
Në ndeshjet e tjera, Milan pësoi disfatë 1-0 ndaj Feyenoord në Rotterdam. Paixao, ishte autori i vetëm të golit, në këtë takim. Nga ana tjetër Benfica mundi 0-1 Monacon në Principatë, falë golit të Pavlidis.
Ndeshjet e kthimit, luhen javën tjetër.
