Ish-prokurori Eugen Beci i pyetur nësë drejtësia mund të vendoste një tjetër masë sigurie për Erjon Veliajn dhe jo atë ekstreme “arrest me burg”, tha se nisur edhe nga dosjet e ngjashme të politikanëve të tjerë, SPAK ka vepruar drejt.
Ai tha se edhe në raste të politikanëve të tjerë të arrestuar, është dhënë masa e sigurisë “arrest me burg”.
“Duhet marrë parasysh rrezikshmëria e veprës penele dhe gjithashtu nëse personi mund të prishë provat ose mund të ikë. Masë tjetër për Erion Veliajn nuk mund të kishte. Janë marrë masa represive edhe për politikanë të tjerë të arrestuar, të cilët nuk kanë qenë në pushtet.
Drejtësia shqiptare po përdor disi tepër masa ekstreme të sigurisë. Por, kjo ishte masa më e përshtatshme, duke iu referuar edhe historikut të rasteve të SPAK. Masa për Ajola Xoxën ka qenë më e ulët, duke e marrë parasysh se është nënë e një fëmije. SPAK ka vepruar shumë drejt“, deklaroi Beci në News24.
