Java e 24-t e Kategorisë Superiore nis me derbin e kryeqytetit, Partizani-Tirana, i cili luhet në një orar të pazakontë për të (13:30), por edhe për herë të parë në stadiumin “Arena e Demave”.
Të dy skuadrat vijnë me synime të qarta për fitoren për shkak të objektivave që kanë, pasi Partizani synon të vazhdojë ndjekjen e kreut, ndërsa Tirana të largohet sa më shpejt nga zona e ftohtë e klasifikimit.
Trajneri Veselinoviç ka zgjedhur që të aktivizojë Agim Zekën përsëri titullar në derbi, përkrah Padstrelau dhe Bintsuka.
Ndërsa nga ana tjetër, Bledi Shkëmbi i ka dhënë përparësi sulmit duke rreshtuar në fushë “armët e rënda” të repartit të avancuar.
Formacionet zyrtare:
Partizani: Qirko, Janjeva, Preka, Bytyçi, Domgjonaj, Mehmeti, Ismaili, Taipi, Zeka, Padstrelau, Bintsuka.
Tirana: Selmani, Vera, Përgjoni, Kola, Dembele, Soler, Meta, Rafael, Ndreca, Jarmouni, Ernest.
