Ish-diplomati Agim Nesho ka komentuar zgjedhjet në Kosovë dhe rezultatin paraprak të numërimit të votave, ku Lëvizja Vetëvendosje renditet e para.
Sipas Neshos, ‘ka një trend tepër të qartë që LVV është partia më e madhe fituese, kjo tregon se ka pasur rezultate’.
Duke e krahasuar me Shqipërinë, ish-diplomati u shpreh se kjo është fitore e madhe e demokracisë në Kosovë.
“Mendoj se duhet të presim gjysmën e numërimit për të nxjerrë një tendencë se si do të jetë edhe përfundimi i këtyre zgjedhjeve.
Dua të nënvizojë klimën e zhvillimit të zgjedhjeve, rëndësia dhe funksionimi i demokracisë në Kosovë që është pjesa tjetër e kombit tonë dhe sa larg jemi ne këtu.
Fenomene të tilla që shikohen hapur në Shqipëri, vjedhja e votës, intimidimi i administratës publike, mbajtja me forcë e pushtetit pa treguar asgjë, të kundërtën, gjysma e kombit tonë, të lirë shprehen duke treguar se është një demokraci funksionale. Këtë nuk e themi vetëm ne. Për të gjitha treguesit Kosova njihet edhe nga organizmat më të rëndësishme ndërkombëtare.
Ka një trend tepër të qartë që LVV është partia më e madhe fituese, kjo tregon se ka pasur rezultate.
Nuk ka pranuar elektorati presionet e jashtme. Opinioni publik në Kosovë ka reaguar në mënyrë tepër të rëndësishme.
Nga kjo tendencë është një fitore e madhe e demokracisë në Kosovë.”– tha Nesho në Syri TV.
