Pasditen e kësaj të shtune ka nisur grumbullimi mbështetësve të Partisë Demokratike përpara Kryeministrisë, selisë së PD, sheshit ‘Skëndërbej’, teksa rreth orës 17:00, do të zhvillohet një protestë kombëtare e thirrur nga PD dhe aleatët.
Pjsemarrës në protestën e opozitës, një pensionit i cili është bashkuar me opozitën ka folur për Syri tv, nga oborri i PD.
“Këtu është instaluar diktatura përfundimisht, asgjë më shumë, asgjë më pak. Kjo do të thotë që trashëgimtarët e komunistëve morën pushtetin për të plotësuar një agjendë të Sorosit për shpopullimin e vendit. Kjo është jashtëzakonisht e dëmshme sepse largoi rininë shqiptare, mbi një milionë shqiptarë kanë ikur. Gjithë fshatrat janë braktisur. Shtresa jonë e pensionistëve janë në një nivel skandaloz të jetesës. Ndërkohë që në Mal të Zi, në Kosovë, dhe në Maqedoni, niveli i jetesës është më i lartë se në Shqipëri, kur resurset tona janë shumë më të mira sa sa në Kosovë, Maqedoni apo Malin e Zi…” – tha ai.
