Për herë të parë në histori, derbi i kryeqytetit, Partizani-Tirana, do të zhvillohet në stadiumin “Arena e Demave”. Klubi i kuq, si organizator i derbit të tretë sezonal bëri publike axhendën zyrtare të këtij takimi.
Me anë të një njoftimi në rrjetet sociale, Partizani ka zyrtarizuar se sfida më e rëndësishme e futbollit shqiptar do të luhet në stadiumin e tyre të ri, “Arena e Demave”. Ky derbi do të zhvillohet në një orar të pazakontë, në orën 13:30 ditën e diel më 9 shkurt.
Stadiumi i Partizanit ka një kapacitet prej mbi 4 mijë vendesh dhe 5% e tij do t’i takojë klubit të Tiranës. Ky vendim vjen pasi “Arena Kombëtare” po bëhet gati për sfidat e Kombëtares në kualifikueset e Botërorit. Prej ditësh, palët po prisnin vetëm aprovimin nga Policia e Shtetit për mbarëvajtjen e këtij takimi
View this post on Instagram
