Janë zbardhur emrat e dy të rinjëve që janë shpallur në kërkim nga Policia për ngjarjen e regjistruar natën e kaluar në Malësinë e Madhe.
Burime bëjnë me dije se bëhet fjalë për shtetasit Erion Vocrri, 22 vjeç, nga fshati Hot i Ri dhe Rivaldo Zmijanej alias Rivaldo Planaj, 27 vjeç, nga fshati Shtoj i Vjetër, të cilët akuzohen për veprat penale “Kanosja” dhe “Mbajtja pa leje dhe prodhimi i armëve, armëve shpërthyese dhe i municionit”.
“Nga veprimet paraprake rezulton se dy shtetasit e mësipërm dyshohet se kishin shkuar për të vjedhur në fshatin Gruemirë por janë diktuar nga tre shtetas banorë të fshatit e të cilët këta dy shtetas kanë debatuar dhe më pas gjatë largimit kanë qëlluar me armë zjarri në ajër.” – thuhej në njoftimin e autoriteteve.
Burime bëjnë me dije se ata kishin shkuar me motor dhe të maskuar për të vjedhur në fshatin Gruemirë, por fillimisht kanë gjuajtur me armë ndaj kamerave të sigurisë të vendosura në banesën e familjes Kurtaj dhe më pas u larguan drejt një zone malore.
Pas disa orësh, gjatë mbrëmjes, Erion Vocrri dhe Rivaldo Zmijanej (Planaj) u rikthyen nga zona malore, por këtë herë u përballën me tre vëllezërit Mirsad, Besim dhe Edison Kurtaj, të cilët i pritën në rrugë me një automjet.
Tre djemtë e familëjes Kurtaj u vunë në ndjekje të autorëve, të cilët, sapo e kuptuan se po ndiqeshin, qëlluan me breshëri në tokë dhe në ajër.
Ndjekja zgjati rreth 10 minuta, deri në momentin kur njëri prej autorëve u rrëzua nga motori, por arriti të largohej nëpër fushat e mbjella të fshatit.
