Komiteti Ekzekutiv i FSHF-së zhvilloi mbledhjen e parë të vitit 2025, ku u morën disa vendime të rëndësishme.
U miratuan disa projekte infrastrukturore dhe u ndryshuan datat e përfundimit të Kategorisë Superiore, Kupës së Shqipërisë dhe fazës “Final 4”.
Superliga do të përfundojë më 27 prill 2025 ndërsa faza “Final Four” do të zhvillohet nga 4 deri më 12 maj 2025. Nga ana tjetër finalja e Kupës së Shqipërisë do të luhet më 1 maj 2025 duke mbyllur kështu sezonin futbollistik.
Në kuadër të organizimit të Kampionatit Europian U-17 “Shqipëri 2025” u vendos rinovimi i disa terreneve sportive, ku do të kryhen punime të thelluara në “Selman Stërmasi”, kompleksin “Skënder Halili”, “Tofik Jashari” dhe “Roza Haxhiu”.
