Analisti Andi Bushati ka debatuar ashpër me gazetaren Klodiana Lala, pasi kjo e fundit vazhdon mbrojtjen ndaj SPAK-ut, pasi sipas saj, prokurorët kanë çuar në gjyq ministra dhe kryebashkiakë.
Bushati u shpreh se ata nuk kanë fuqi që të hetojnë denoncimet që ish-zv/kryeministri Ahmetaj ka bërë ndaj qeverisë Rama, duke u fshehur poshtë tavolinës para provave. Gjithashtu, Bushati i konsideroi prokurorët e SPAK-ut si halabakë që vlerësojnë denoncimet e Idajet Beqirit dhe jo të ish numrin 2 të Qeverisë
Pjesë nga debati
Lala: Unë besoj se nuk do të ndryshojë asgjë. Do të vijojë e njëjta histori me ca, siç thotë Bushati, të kapur nga Rama, ca të tjerë në këndvështrimin tim, të pavarur, ca të mbështetur nga amerikanët dhe të tjerë. Kanë hartuar strategjinë për krimin zgjedhor me ekspertë britanikë.
Bushati: Këtë që hapi Klodin duhet ta diskutojmë.
Lala: Duke qenë se SPAK ka disa dosje sensitive, kryesisht në politikë, ato na provojnë, se si do të jetë ky vështrimi amerikan. Se prokurorët flasin me prova.
Bushati: Po të flisnin me prova, këta do t’i kishe të Arben Ahmetaj, po këta fshihen poshtë tavolinës për provat.
Lala: Ju e keni të palëkundur qëndrimin tuaj, unë kam qëndrimin tim.
Arben Ahmetaj me firmën e kujt është në kërkim?
Bushati: E kapin ata.
Lala: Ilir beqja me firmën e kujt është në burg? Sali Berisha me firmën e kujt është i pandehur? Ilir Meta me firmën e kujt është në burg? Duam apo s’duam, ata prokurorë, kanë hedhur ca firma dhe mirë apo keq, i kanë vënë. Lefter Koka, Alqi Bllako, Vangjush Dako janë 17 kryebashkiakë, tani më fal a janë me firmën e prokurorëve apo timen dhe tënden? Unë nuk jam në gjendje, se s’kam formim juridik.
Bushati: Ca halabakë që vihen në lëvizje me denoncimet e Idajet Beqirit dhe nuk vihen në lëvizje me denoncimet e një zv.kryeministri.
Lala: Unë jam e prirur t’i jap meritën çdokujt dhe secili nga ne ka integritet dhe shtyllën e vet kurrizore.
Bushati: Po s’bën dot gjë. Njerëz të ndershëm ka patur edhe në Kilin e Pinoçetit, sistemi nuk të linte ta ushtroje ndershmërinë.
Lala: Nuk mund të them që shoqëria civile është e kapur, gjithë parlamenti është i kapur, por po t’i fusim të gjithë në një thes, vrasim shpresën.
Bushati: Po të pomposh optimizmin vazhdo.
Lala: Ju besoni se 150 vetë që punojnë në SPAK janë të kapur?
Bushati: Jo, as media nuk është e kapur. Sistemi është i kapur, Sikur një të ishte në rregull, sot do të ishte në Zvicër te Arben Ahmetaj, po fshihen si minj nëpër tavolina, se s’kanë bythë të kërkojnë të vërtetën, se i shkojnë 7.
