Berat Gjimshiti, kapiteni i Atalantës, foli në konferencë për shtypin në prag të ndeshjes me Barcelonën, e fundit për fazën e kampionatit të Chanmpions League.
“Shpirti do të jetë gjithmonë i njëjtë, sikur të luanim kundër Como-s. Kemi bërë një rrugëtim të bukur në këtë Ligë të Kampionëve, do të jetë ndeshja e fundit e këtij grupi, jemi të gatshëm dhe duam të tregojmë që Atalanta meriton të jetë aty ku është”.
Për sulmin e Barcelonës: “Sigurisht që e dimë të gjithë cilësinë e Barcelonës, edhe kohët e fundit kanë shënuar shumë gola, me lojtarë sulmues të cilësisë së lartë. Nuk janë vetëm mbrojtësit, ne mbrojmë dhe sulmojmë si skuadër, do të përpiqemi të ndihmojmë njëri-tjetrin. Edhe ne nuk jemi keq në shifra, në fazën sulmuese. Do të jetë e vështirë, por jo e pamundur.
Nuk luhet në ‘Camp Nou’: “Kjo fushë këtu nuk është keq, të luanim në ‘Camp Nou’ do të ishte bukur. Nuk kemi luajtur as në ‘Bernabeu’ kundër Realit. Ajo që ka rëndësi është fusha”.
3 mijë tifozë të Atalantës në Barcelonë: “Është bukur të dëgjosh këtë, që ka shumë tifozë që vijnë nga Bergamo, është një krenari të dëgjosh që ka kaq shumë tifozë nga Barcelona. Gjatë muajve të fundit, thjesht do të thosha që ka pasur gjithmonë mbështetje nga tifozët, na jep një shtysë më shumë, duke u munduar të dhurojmë emocione”.
Mbrojtja kundër Barçës: “Po, siç thashë më parë, ne sulmojmë me 11 dhe mbrojmë me 11. Është çështje skuadre, jo individuale. Ne dimë t’i bëjmë mirë të dyja fazat”.
