Policia ka arrestuar autorin e plagosjes me mjet prerës në zonën e Yzberishtit, Tiranë, ku një 53-vjeçar u lëndua pas një konflikti për motive të dobëta.
Shtetasi Aleks Petro, 24 vjeç, banues në Tiranë, u identifikua dhe u arrestua nga shërbimet e Komisariatit të Policisë Nr. 6, pas hetimeve të zhvilluara.
Ngjarja ndodhi pas një mosmarrëveshje mes autorit dhe viktimës, E. Rr., 53 vjeç, i cili mori ndihmën e nevojshme mjekësore dhe është jashtë rrezikut për jetën.
“Specialistët për Hetimin e Krimit në Komisariatin e Policisë nr 6, bënë arrestimin në flagrancë të shtetasit A. P., 24 vjeç, banues në Tiranë. Arrestimi i këtij shtetasi u bë pasi gjatë një konflikti për motive të dobëta ka plagosur me një mjet prerës shtetasin E. Rr., 53 vjeç, i cili ndodhet jashtë rrezikut për jetën. Materialet procedurale do ti kalojnë Prokurorisë për veprime të mëtejshme”, njofton policia.
Policia vazhdon hetimet dhe ka kaluar materialet përkatëse në Prokurori për veprime të mëtejshme ligjore.
Lexo edhe:
EMRAT/ Detaje nga plagosja në Tiranë! Djali xheloz godet me thikë të dashurin e mamasë
